Instagram

Tilnefna til Míuverðlauna

Míuverðlaunin fara fram í október 2025. Það verður hægt að tilnefna til Míuverðlaunanna frá 15-30. maí 2025. Við lokum þá fyrir og ekki verður hægt að bæta við tilnefningum. Topp 10 hópur er valinn af valnefndinni til þess að mæta á verðlaunin og verður það einn sem hlýtur svo verðlaunin. Mikilvægt er að gera góða greinagerð af hverju viðkomandi aðili á verðlaunin skilið. Þetta er ekki vinsældarkosning heldur verður alfarið farið eftir því sem sagt er um þá sem tilnefndir eru. Mikilvægt er að lesa yfir verklagsreglur valnefndar áður en tilnefning er send inn.

VERKLAGSREGLUR VALNEFNDAR UM TILNEFNINGAR TIL MÍUVERÐLAUNA

1.gr.

Markmið Míuverðlaunanna eru að heiðra þá sem koma að þjónustu langveikra barna á einn eða annan hátt. Tilgangurinn með tilnefningu til Míuverðlaunanna er að vekja athygli á því góða starfi sem heilbrigðisstarfsfólk gerir fyrir langveik börn og fjölskyldur þeirra. Hægt er að tilnefna heilbrigðisstarfsmann í hvaða starfstétt sem er, hvar á landinu sem er.

 

 

2.gr.

Sérstök valnefnd fer yfir allar þær tilnefningar sem berast og velur eina af þeim sem fær úthlutað Míuverðlaunin. Í nefndinni eru eftirfarandi fullrúar:


Fríða Björk Arnardóttir, foreldri langveiks barns.

Úlfar Konráð Svansson, Markaðsstjóri Artasan

Þórunn Eva G. Pálsdóttir, stofnandi & eigandi Mia Magic

Enika Karen Gunnarsdóttir,
Fulltrúi unga fólksins

Hildur Árnadóttir, arkitekt og stofnandi h.loft. Hannar Míuverðlaunin 2025

Unnur María Pálmadóttir, eigandi og stofnandi, Skapandi, Events & Marketing.

 

3.gr.

Við heildarúthlutun skal hafa í huga eftirfarandi; 

  • Að viðkomandi sé fyrirmynd fyrir aðra heilbrigðisstarfsmenn þegar komið er að umönnun barna og samskipti við fjölskyldur þeirra.  
  • Að viðkomandi sé viljugur að vinna með öðru  heilbrigðisstarfsfólki sé það hagur barnsins. 
  • Að viðkomandi  skapi jákvætt og öruggt umhverfi fyrir barnið og fjölskyldur þeirra.  
  • Að viðkomandi leggi sig fram við að sýna skilning og útskýrir allt vel til að barnið og fjölskyldan skilji hvað er í gangi. 
  • Að viðkomandi gefi sér tíma til að hlusta á áhyggjur fjölskyldunnar og geri ekki lítið úr þeim. 

4.gr.

Tilnefningar skulu berast fyrir 30.maí, annað hvert ár. Tilnefningar eru sendar inn rafrænt inn á vef Mia Magic (www.miamagic.is). Verðlaunin eru veitt annað hvert ár. Valnefnd fer yfir allar tilnefningar á sérstökum fundi. 

Ef nægar upplýsingar berast ekki með umsókninni getur nefndin ógilt umsóknina.

Verklagsreglur uppfærðar september 2025.