SAMSTARFSAÐILAR | Mia Magic

Skip to content

Mia Magic
Bókin Mía
Míubox
Míuverðlaun
Míufréttir
Míu Englar

Menu

Mia Magic
Bókin Mía
Míubox
Míuverðlaun
Míufréttir
Míu Englar

SAMSTARFSAÐILAR

Ásbjörn Ólafsson

Alin By Agustav

Birgitta & Lára

Essei Heildverslun

RVK Letterpress

Kaja Photographer

Bjartur og Veröld

Agnes Markþjálfi

Seljalandsfoss Horizons

Grand Hótel Reykjavík

Vangaveltur Lilju

Omnom Chocolate

Arka Heilsuvörur

Pastel Blómastúdíó

Ég hef ansi oft í gegnum árin orðið sár, lei

Ég hef ansi oft í gegnum árin orðið sár, leið, döpur & ómöguleg því mér finnst aldrei neinn skilja mig. Skilja hvernig þetta er, skilja allan sársaukann sem foreldrar langveikra barna þurfa að ganga í gegnum og hversu mikið álag þetta er. Af hverju við grátum stundum í koddann, af hverju við mætum ekki í hittinga loks þegar það eru allir í góðum gír eða ef einhver spyr hvernig gangi að við svörum “bara vel” þegar rétta svarið er að allt er í skrúfunni. Af hverju þetta, af hverju hitt. Málið er að loksins þegar ég skyldi sjálf að það er mitt að skilja að þú skiljir ekki, þá varð lifið svo miklu betra. Auðvitað er ekki hægt að ætlast til þess að einhver skilji þig þegar viðkomandi hefur ekki gengið í gegnum þessa raun að eiga t.d langveikt barn. Það er hinsvegar hægt að sýna stuðning í verki, sýna samkennd og vera til staðar. Einnig er það okkar að svara heiðarlega þegar spurt er hvernig gangi eða svara með “já takk” ef okkur vantar hjálp. Ef við segjum ekki frá, er ekki hægt að ætlast til að viðkomandi skilji. Þetta er verkefni sem er mér erfitt því þegar tímarnir eru erfiðir loka ég mig af og ég veit að þetta er eitthvað sem ég þarf að vinna í. En þegar ég hef opnað mig í gegnum árin, verið sár og sagt frá, farið að gráta eða sýnt að mér líður illa hafa svörin oftast verið á þessa vegu: Þetta lagast, margir sem hafa það verra. Ekki vera með drama, það lenda allir í svona einhverntimann, þetta eru ekki vinkonur þínar ef þær haga sér svona. Vertu nú sterk, þetta lagast. Það þýðir ekkert að gráta yfir þessu, svona er þetta bara og nú þarf bara að tækla hlutina. Þetta fær mann til að loka sig frekar af en opna sig. Ég á fullt af svona setningum. Fullt fullt…. það sem væri næs að heyra væri kannski bara: Þú ert að standa þig vel, erum svo stolt af þér. Er eitthvað sem ég get gert til að létta undir með þér þar til þér fer að líða betur ? Þetta er ömurleg staða sem þið eruð í, við erum hér fyrir ykkur. (Það að einhver segi upphátt að þetta sé kannski bara svolítið glatað, hjálpar til við að finnast maður ekki einmanna) Það nefnilega má alveg finnast allt glatað í smá, ef þú mannst bara eftir því að finna leiðir til að líða vel aftur.

Ókei ókei ókei ! Þessi mamma er algjörlega

Ókei ókei ókei ! Þessi mamma er algjörlega búin á því. Enn einu sinni. Sumir skilja það ekki því þeir eru jú orðnir svo stórir. 17 ára og 10 ára. Fólk. Ekki hlusta á svona. Þó börnin eldist þá breytist álagið. Í mínu tilfelli þá er ég búin að vera í þessum “pakka” í 17 ár. Það eitt og sér ætti að segja fólki að ég sé smá lúin. En eftir því sem árin verða fleiri þá þarf minna til en þurfti til þess að ég beyglist. Sem er óþolandi því ég er svo sterk og allir að segja að við séum svo dugleg en mín upplifun er alls ekki þar. Ég er svo þreytt, mismikið eftir dögum en alltaf lúin. Það kom kona til mín hingað heim um daginn sem fékk mig til að hugsa. Hún tók einhver test og spurði mig spurninga um allskonar. Hún segir svo áður en hún fer. Verður þú ekki fyrir miklum fordómum? Þú lítur svo vel út, fallegt heimili en algjörlega brotin að innan …. 🙄 Ég svaraði neitandi og þurfti að hugsa þetta. Ástæðan er sú að ég verð ekki fyrir fordómum er sú að fólk veit ekki. Fólk veit ekki raunverulega stöðu á mér eða okkur fjölskyldunni. Þegar erfiðir tímar koma eins og núna þá ruslar maður sér í gegnum þá jákvæður og hugrakkur. Það er ekki fyrr en það róast sem ég finn hvað ég verð leið, sár, brotin og beygluð. Sem er fullkomlega eðlilegt því þá hef ég tíma til að hugsa. Sama á við með börnin okkar og maka. Ekki bara veika barnið. Sýnið hvort öðru skilning á erfiðum dögum því enginn sýnir þessa vanlíðan eins 🖤 Takið tíma og hugsið um hvort annað. Saman og í sundur. Börnin þurfa alveg jafnt foreldrafrí eins og við 🖤 Aðstandendur: við foreldrar langveikra barna þurfum að læra að biðja um hjálp frá ykkur. Þið megið endilega hjálpa okkur með því að ekki spyrja hvort við viljum hjálp með t.d að taka börnin. Just do it 😂 við höldum í alvöru að við getum tæklað þetta og segjum annars “nei takk” !!! Við klárlega getum þetta, en með ykkar hjálp þá tæklum við þetta minna lúin og beygluð! “It takes a village” því fyrr sem við skiljum það, því betra ! LOFA

Hér sjáið þið hina dásamlegu Míuverðlauna

Hér sjáið þið hina dásamlegu Míuverðlauna styttu sem @kristjansaevarsson & @solheimareco voru svo dásamleg að búa til fyrir okkur. Við vorum komin með plan fyrir Míuverðlaunin í október nk en því miður féll það uppfyrir. Við leitum því að listamanni/konu til þess að hanna með okkur og búa til næstu Míuverðlauna styttu. Okkur þætti ofsalega vænt um ef þið gætuð deilt þessu fyrir okkur því við vitum að svona ferli tekur tíma. Því fyrr sem við finnum aðila sem smell passar með okkur því betra. Ef þig langar að hanna með okkur fyrir næstu Míuverðlaun endilega vertu í sambandi við okkur, segðu okkur frá þér og ekki er verra ef þú átt myndir til að sýna okkur það sem þú hefur gert // info@miamagic.is eða í skilaboðum // umsókn skal skila inn fyrir miðnætti þann 10.júlí 2021. Skammur fyrirvari 😳🙈 en við hlökkum mikið til að heyra frá ykkur. Getum ekki beðið eftir að hanna nýja Míu með nýjum listamanni/konu.

Partur af því að eiga langveik börn er að þú veist aldrei hvenær þú lendir næst með þau uppá spítala. Þegar mætt er spyrja mínir molar oft útí það hver ætli sé á vakt. Þeim finnst gott að sjá einhvern sem þeir þekkja og enn betra ef einhver tekur á móti þeim sem þekkir þá vel. Þegar hjúkrunarfræðingurinn “þeirra” tekur á móti þeim annars staðar en þeir eru vanir, þá er gaman. Smá eins og að vinna í Lottó 😂 þeir skilja sem skilja 😂 Gaman að þurfa ekki að segja alla söguna og allt sem á undan er gengið, ekki hræðsla við það hver setur upp nál í brunninn ef þessi eða hinn er ekki á vakt. Rólegheit í hjartanu sem myndast því það er gott að vita til þess að hjúkrunarfræðingurinn veit allt um þig. Sama gildir um lækna og sjúkraliða. Það auðveldar bæði börnunum, foreldrunum og starfsfólkinu þegar allir þekkjast. Sumir þekkja börnin og fjölskyldurnar vel þó að starfsmaðurinn hitti þau ekki oft. Það er vegna þess að sá einstaklingur leggur sig fram og vill kynna sér málið áður en komið er og rætt við barnið og fjölskyldu þess. Mér persónulega finnst það kostur ef viðkomandi kynnir sér málið áður en komið er inn því ég vil frekar bíða aðeins lengur en finnast eins og enginn viti neitt. Hvað finnst ykkur ? *mynd birt með leyfi þeirra sem eru á henni*

Mía átti yndislegan dag, búningapartý og valdi

Mía átti yndislegan dag, búningapartý og valdi hún Super Mario 😂 þessi snúlla sko! Hvaða búning myndu þið vilja sjá Míu í? Jón Sverrir er að æfa sig að teikna og teiknaði þessa mynd í dag. Hlökkum til að sjá hugmyndir að búning fyrir hana 😍

Mig langar aðeins að minna á hversu mikilvægt

Mig langar aðeins að minna á hversu mikilvægt það er að það sé haldið vel utan um systkini langveikra barna. Þau eiga það til að loka sig af tilfinningalega því þau vilja ekki að mamma og pabbi hafi líka áhyggjur af þeim. Hinsvegar er ekki síður mikilvægt að gefa þeim tíma til að undirbúa sig andlega fyrir eins og t.d aðgerðir ef bróðir eða systir þarf í slíkt. Foreldrar þurfa að passa uppá þetta EN aðstandendur ekki síður mikilvægir í þessu ferli. Það þarf oft ekki mikið til að láta þeim líða vel því þau vilja oft opna sig ef þau fá kannski smá næði til þess. Það er hægt að bjóða í ísrúnt, gönguferð, hjólaferð eða sundferð. Vídjó kvöld eða út að borða. Í stað þess að fara beint í viðfangsefnið og ræða það sem er á næsta leiti er hægt að fara hægt og rólega í þessar umræður. Gætuð byrjað á að segja þeim eitthvað sem ykkur fannst erfitt í æsku og hvernig ykkur fannst að vera boðið eitthvað. Þá svara þau stundum með því að segja t.d “já eins og núna þá finnst mér gott að þú bauðst mér af því að….” Krakkar spjalla nefnilega ef þau fá sögur af þeim sem þau spjalla við. Mergur málsins. Ekki gleyma þeim börnum sem bíða heima með áhyggjur af dýrmætasta vini sínum eða vinkonu. Leyfið þeim að heyra hvernig gengur, leyfið þeim að sjá myndir svo þau geti séð aðstæður í stað þess að ímynda sér eitthvað sem er ekki. Fáið ömmur og afa, frænkur og frændur eða vini til að bjóða þeim eitthvað. Skiptið liði og leyfið þeim að eiga tíma bara með ykkur. Kózý kvöldstund með spjalli uppí bóli finnst þeim ótrúlega dýrmætt og muna það jafnvel alltaf. Pössum uppá öll litlu hjörtun í því ferli sem er að eiga langveik börn, líka foreldrahjörtun 🖤

Fleiri myndir Fylgja Míu á Instagram

Mia Magic

Mia Magic
Bókin Mía
Míubox
Míuverðlaun

Upplýsingar

info@miamagic.is
Kt: 410221-1520
Bankaupplýsingar: 0537-26-006385

Tenglar

Facebook
Instagram
Ljósmyndir á síðu teknar af Kaja Balejko

Copyright © 2021 Mia Magic

Vefhönnun:

Instagram Facebook