Við erum svo ótrúlega spennt að deila með ykkur þeim fréttum að Afi & Ljós frá Trúðavaktinni afhenda Míuverðlaunin í ár.
Við gætum hreinlega ekki beðið um flottara dúó til að afhenda þau fyrir okkur. Óli Hilm hannar verðlaunin í ár og það er alveg smá tenging við verðlaunagripinn og Trúðavaktina sem er ótrúlega skemmtileg tilviljun. Míuverðlaunin fara fram á Mengi, Óðinsgötu 2 þann 12.09.2024.
„Trúðavaktin, íslensku sjúkrahústrúðarnir, eru fyrstir sinnar tegundar á Íslandi. Vaktina skipa níu fagmenntaðir leikarar sem hafa hlotið sérstaka þjálfun í starfi sjúkrahústrúða. Trúðavaktin býður ókeypis þjónustu fyrir Barnaspítala Hringsins og hóf starfsemi sína þann 1. mars 2018. Trúðarnir heimsækja öll börn frá 0-18 ára á spítalanum, alla fimmtudaga, allt árið um kring, tveir trúðar í senn. Hlutverk Trúðavaktarinnar er að skapa stuttar gleðistundir í erfiðum aðstæðum“.
Sjúkrahústrúðarnir bjóða ókeypis þjónustu fyrir Barnaspítala Hringsins.
Trúðavaktin heimsækir spítalan einu sinni í viku, tveir trúðar í senn. Það er markmið Trúðavaktarinnar að Barnaspítali Hringsins muni aldrei bera neinn kostnað eða koma að fjármögnun Trúðavaktarinnar.
Myndir fengar af vef Trúðarvaktarinnar og Facebook síðu LSH.
