Yndis molinn Björgvin Unnar tók á móti okkur Fríðu í dag í dásamlegu veðri. Það kom honum heldur betur á óvart að við værum mættar með fullt Míubox af gjöfum fyrir hann. „mamma! vissir þú þetta bara?“
Það var svo dásamlegt að fylgjast með honum taka allt upp og skoða. Hann hafði teiknað Míu áður en við komum og hitamælt hana, en hún var með 20.2 stiga hita elsku kellan. Það er samt ekki hiti segir Björgvin Unnar svo hún slapp fyrir horn í þetta sinn. En eruði að sjá hvað Mía er fallega teiknuð hjá honum?
Það er magnað að sjá svona flotta krakka eins og Björgvin Unnar tengjast Míu svona. Elska að sjá þau finna ró með því að þekkja hana, hafa hana hjá sér og sjá hvað hún er að brasa í gegnum bækurnar. Ég sagði Björgvini Unnari smá leyndó en hann lofaði að segja ekkert, en hann fékk að vita hvað næsta bók á að heita. Honum finnst samt full langt að bíða eftir henni. En ég lofaði að hann fengi fyrsta eintakið ! nú er það skrásett og má ekki klikka !
Þau fyrirtæki sem tóku þátt í Míuboxinu hans Björgvins voru:
@betteryou_island @ikeaisland @hulan.is @moaogmia.is @dimmverslun @cu2.is @bergruniris @essei_heildverslun @ninekids.is
Myndir af Míuboxi eru teknar af @rakelphoto.
xo, Þórunn Eva
