Dagbjört Ýr er svo dásamleg stelpu skotta. Við Rakel Ósk ljósmyndari Mia Magic fórum sl sunnudagsmorgun og kíktum til Dagbjartar með Míubox. Það var ótrúlega gaman að um leið og við komum inn þá hljóp Dagbjört inn í herbergið sitt og sótti Míuna sína. Hún hafði fengið hana nokkrum dögum áður á Barnaspítalanum. Næst sótti hún hefti sem þær mæðgur höfðu búið til, kallaði „Þórunn, sjáðu hvað ég er að gera fínt!“.
Það að hún notaði nafnið mitt án þess að þekkja mig nokkuð var ótrúlega mögnuð upplifun. Það var nefnilega alveg eins og við höfðum þekkst lengi miðað við hvernig hún sagði, Þórunn.
Þær systur voru ótrúlega sáttar með allt sem kom upp úr Míuboxinu og var mikið um að vera að skoða allt og ákveða hvað ætti að taka með í nesti daginn eftir og setja í nýju nestisboxin. Náttljósið sló rækilega í gegn eins og allt annað !
Takk allir sem tóku þátt með okkur. Þið eruð öll svo ótrúlega dýrmæt. Við gætum þetta ekki án ykkar. Þau fyrirtæki sem tóku þátt í Míuboxinu hennar Dagbjartar:
@hulan.is @watercolorbyruth @playroom.is @bokabeitan @essei_heildverslun @eddautgafa @dimmverslun @thebodyshopisl @betteryouisland @loford_verslun
xo, Þórunn Eva & Rakel Ósk
