Instagram

Opið fyrir tilnefningar til Míuverðlaunanna

Opið fyrir tilnefningar til Míuverðlaunanna

Við höfum opnað fyrir tilnefningar, hægt er að tilnefna HÉR

Tilnefningar skulu berast fyrir 28.júní ár hvert. Tilnefningar eru sendar inn rafrænt inn á vef Mia Magic. Verðlaunin eru veitt einu sinni ári. Valnefnd fer yfir allar tilnefningar á sérstökum fundi. Ef nægar upplýsingar berast ekki með umsókninni getur nefndin ógilt umsóknina. Mikilvægt er að nefna það sem viðkomandi aðili gerði gott á því árisem viðkomandi er tilnefndur.
Eventum sér um Míuverðlaunin í ár og vá hvað hlökkum til að bjóða á viðburðinn.
Míuverðlaunin fara fram þann 12. september 2024. Það verður hægt að tilnefna til Míuverðlaunanna frá 16.júní til 28.júní. Við lokum þá fyrir og ekki verður hægt að bæta við tilnefningum. Allir þeir sem fá tilnefningu fá Míunælu senda heim í pósti en svo verða 10 valdir af valnefndinni til þess að mæta á verðlaunin og verður það einn sem hlýtur svo verðlaunin. Mikilvægt er að gera góða greinargerð af hverju viðkomandi aðili á verðlaunin skilið. Þetta er ekki vinsældarkosning heldur verður alfarið farið eftir því sem sagt er um þá sem tilnefndir eru. Gott er að lesa yfir verklagsreglur valnefndar áður en tilnefning er send inn.
Markmið Míuverðlaunanna eru að heiðra þá sem koma að þjónustu langveikra barna á einn eða annan hátt. Tilgangurinn með tilnefningu til Míuverðlaunanna er að vekja athygli á því góða starfi sem heilbrigðisstarfsfólk gerir fyrir langveik börn og fjölskyldur þeirra. Hægt er að tilnefna heilbrigðisstarfsmann í hvaða starfstétt sem er, hvar á landinu sem er.

Við heildarúthlutun skal hafa í huga eftirfarandi;

  • Að viðkomandi sé fyrirmynd fyrir aðra heilbrigðisstarfsmenn þegar komið er að umönnun barna og samskipti við fjölskyldur þeirra.
  • Að viðkomandi sé viljugur að vinna með öðru  heilbrigðisstarfsfólki sé það hagur barnsins.
  • Að viðkomandi  skapi jákvætt og öruggt umhverfi fyrir barnið og fjölskyldur þeirra.
  • Að viðkomandi leggi sig fram við að sýna skilning og útskýrir allt vel til að barnið og fjölskyldan skilji hvað er í gangi.
  • Að viðkomandi gefi sér tíma til að hlusta á áhyggjur fjölskyldunnar og geri ekki lítið úr þeim.

Ef nægar upplýsingar berast ekki með umsókninni getur nefndin ógilt umsóknina. Mikilvægt er að nefna það sem viðkomandi aðili gerði gott á því ári sem viðkomandi er tilnefndur.

Sérstök valnefnd fer yfir allar þær tilnefningar sem berast og velur eina af þeim sem fær úthlutað Míuverðlaunin.
Í nefndinni eru eftirfarandi fullrúar:

Bára Hildur Jóhannsdóttir, gæða- og mannauðsstjóri í Forsetisráðuneytinu

Elva Kristín Arnarsdóttir, eigandi Skjaldbaka Heildverslun & Hulan.is

Fríða Björk Arnardóttir, Framkvæmdastjóri Neistans, styrktarfélags hjartveikra barna

Jón Magnús Kristjánsson, sérfræðingur í heilbrigðisráðuneytinu

Úlfar Konráð Svansson, vörumerkjastjóri Better You á Íslandi

Þórunn Eva G. Pálsdóttir, stofnandi & eigandi Mia Magic

Elsa Harðardóttir, viðburðastjóri hjá Eventum.

Fréttabréf

Skráðu þig og þú færð skemmtilegt fréttabréf sent einu sinni í mánuði.

Related Posts